Tímavélin:
Willum Þór Þórsson, formaður fjárlaganefndar og þingmaður Framsóknarflokksins, er einn besti og merkilegasti knattspyrnuþjálfari seinni ára á Íslandi. Áður en Willum skellti sér í stjórnmálin, var hann sigursæll sem þjálfari. Hann náði frábærum árangri með KR og Val, auk þess þjálfaði hann fleiri lið með góðum árangri.
Willum var og og er enn í dag, gríðarlegur keppnismaður. Tap í kappleikjum fór ekki vel í Willum og var honum oft heitt í hamsi þegar hann ræddi við fréttamenn, beint eftir súrt tap.
Benedikt Bóas Hinriksson þá fréttamaður hjá NFS ræddi við Willum, þá þjálfara Vals eftir leik liðsins við Víkinga í VISA-bikar karla 2006. Valur tapaði leiknum 2-1, þar sem Guðmundur Benediktsson fékk að líta rauða spjaldið.
Willum var mjög heitur eftir leik þegar Benedikt ætlaði að ræða við hann. ,,Ertu að spyrja mig að einhverju eða segja mér eitthvað? Hver er spurningin? Hvernig heldur þú að mér líði? Ef þú ætlar að spyrja mig að einhverju, þá skaltu spyrja, annars sleppir þú þessu,“ sagði blóðheitur Willum.
Viðtalið við Willum sem vakti mikla athygli má sjá hér að neðan.
Árið 2010 hafði Willum tekið að sér starf í Keflavík, eftir tap gegn hans gamla félagi KR á heimavelli fór Willum í viðtal við Fótbolta.net. Þar gekk á ýmsu og var Willum ekki skemmt, yfir þeim spurningum sem hann fékk.
Það viðtal má sjá hér að neðan.