Ramon Calliste, átti að verða stjarna hjá Manchester United þegar hann var koma upp í gegnum unglingastarf félagsins. Calliste var líkt við Ryan Giggs en hann náði aldrei að slá í gegn.
Þegar hlutirnir gengu ekki upp hjá Calliste hjá United þá fór hann til Liverpool gerði vel í varaliðinu þar.
Calliste fór svo á flakk í neðri deildum Englands en gafst upp og ákvað að snúa sér öðru. Honum datt í hug að byrja að selja úr og þar hefur hann dottið í gullpott.
Calliste á fyrirtækið Global Watches sem selur ríka og fræga fólkinu í Bretlandi dýr úr, í fyrra seldi hann úr fyrir 5 milljónir punda eða 858 milljónir íslenskra króna.
,,Ég ákvað að fara í þetta og tengsl mín í fótboltanum hjálpuðu mér til að byrja með,“ sagði Calliste en margir knattspyrnumenn hafa verslað við hann í gegnum árin.