Momo Sissoko, fyrrum leikmaður Liverpool, býst við að liðið muni missa Sadio Mane til Real Madrid fyrr frekar en seinna.
Mane er einn allra mikilvægasti leikmaður Liverpool en hann myndar sterka sóknarlínu með Mo Salah og Roberto Firmino.
Sissoko telur að bæði Salah og Mane gætu verið farnir frá Liverpool á næstu árum.
,,Ég sé Mane fyrir mér hjá Real Madrid frekar en Mohamed Salah,“ sagði Sissoko.
,,Mane er með eiginleikana sem Zinedine Zidane vill. Ég held að Mane fari til Real Madrid.“
,,Ég veit ekki hvort Salah haldi áfram hjá Liverpool. Ef hann fer þá gæti það hins vegar verið gott fyrir liðið.“
,,Liverpool er mjög sniðugt félag og þeir munu vita hvernig á að leysa hann af hólmi.“
Enski boltinn á 433 er í boði 
