,,Afhverju er íþróttafréttir í sjónvarpinu þegar það eru engar íþróttir?,“ skrifar hinn umdeildi sósíalisti, Gunnar Smári Egilsson í Facebook hópinn, Fjölmiðlanördar.
Þar hafa skapast heitar umræður eftir að Gunnar Smári setti þessa spurningu fram, hann skilur ekki hvers vegna frétir af íþróttum eru þegar engir kappleikir eru. Nýjar fréttir berast þó úr heimi íþrótta daglega, frestanir og fleira slíkt.
Kórónuveiran hefur orðið til þess að nánast engir íþróttaleikir eru í heiminum, ástandið er slæmt um alla Evrópu vegna veirunnar.
Gunnar Smári var spurður að því hvað íþróttafréttamenn ættu að gera annað en að flytja fréttir. Hann var ekki lengi til svars. „Flytja mat heim til aldraðra og sjúkra? Gætu mælt tímann, hvað þeir eru fljótir.“
Gunnar Smári hefur fengið á baukinn eftir þessa færslu og skrifar Kristján nokkur meðal annars. „Afhverju liggur þú á facebook dægrin löng og stutt Gunnar Smári Egilsson þegar þú gætir nýtt tíma þinn í að hjálpa öldruðum og sjúkum? Veit fyrir víst að aldnir og hjálparþurfi kynnu að meta það og um leið myndum við hin losna við að lesa greindarlaust bullið í þér. Win-Win fyrir þig. Koma nú! Gerðu okkur öllum greiða!.“