Maurizio Sarri, þjálfari Juventus þarf að óttast um starf sitt ef liðinu mistekst að vinna Inter í toppslagnum í Seriu A á sunnudag.

Ítalskir miðlar segja að Sarri verði rekinn ef Juventus tapar en liðin eru í harðri baráttu á toppnum.

Juventus hefur hikstað hressilega eftir jól og tapaði fyrri leiknum gegn Lyon í Meistaradeildinni, í vikunni.

Sarri var rekinn frá Chelsea síðasta sumar og fékk starfið eftirsótta hjá Juventus en hingað til, hefur hann ekki staðið undir væntingum.

Sagt er að Max Allegri sem lét af störfum síðasta sumar muni fá starfið aftur.

Leikmenn  Juventus eru sagðir óhressir með þá hugmyndafræði sem Sarri vill vinna eftir.