Það er hægt að horfa á Manchester United á ný þökk sé miðjumanninum Bruno Fernandes sem kom í janúar.
Það er mat Paul Scholes, fyrrum leikmanns liðsins, en Fernandes hefur staðið sig vel síðan hann kom frá Sporting.
Scholes getur nú horft spenntur á leiki liðsins á ný en United vann Club Brugge í gær 5-0 í Evrópudeildinni.
,,Það er eins og hann hafi komið með líf í liðið. Hann lætur lið sem var ekki áhorfanlegt á tímum líta út fyrir að vera spennandi og mjög áhorfanlegt,“ sagði Scholes.
,,Þegar þú færð leikmann eins og Fernandes þá gefur það öðrum líf. Það tekur yfirleitt lengri tíma fyrir erlenda leikmenn að aðlagast. Vonandi heldur hann sér í þessu formi.“