Thomas Muller, leikmaður Bayern Munchen, er fullur sjálfstrausts fyrir leik gegn Chelsea á þriðjudag.
Um er að ræða fyrri leik liðanna í Meistaradeild Evrópu en leikið er í London í 16-liða úrslitum keppninnar.
,,Þú hefðir haldið að maður væri búinn að sjá alla bestu leikvanga Evrópu eftir 100 leiki í Meistaradeildinni en ég hef aldrei heimsótt Stamford Bridge og hlakka til,“ sagði Muller.
,,Chelsea er með unga og hæfileikaríka leikmenn sem geta sært þig og við þurfum að vera reiðubúnir.“
,,Þeir eru þó ekki besta lið í Evrópu í dag og við þurfum ekki að óttast þá. Ég er fullur sjálfstrausts.“
