Rúnar Alex Rúnarsson var í byrjunarliði Dijon sem lék við Monaco í frönsku úrvalsdeildinni í dag.

Aðalmarkvörður Dijon er að glíma við meiðsli þessa stundina og fær Rúnar að leika í markinu.

Landsliðsmaðurinn fékk eitt mark á sig í 1-1 jafntefli en Dijon komst yfir á 56. mínútu og hélt þeirri forystu í 23 mínútur.

Guillermo Maripan tryggði Monaco stig á 79. mínútu og 1-1 jafntefli niðurstaðan.

Stigið er þó mikilvægt fyrir Dijon sem lyfti sér úr fallsæti með jafnteflinu.