Ragnar fréttir voru birtar í Svíþjóð í gær um stöðuna á Kolbeini Sigþórssyni, ef marka má Frey Alexandersson, aðstoðarlandsliðsþjálfara.
Þjálfari AIK sagði að Kolbeinn hefði litið sem ekkert æft á þessu ári en Freyr segir hann æfa á fullu.
„Þessar fréttir voru aðeins slitnar úr samhengi og eðlilegt hvernig þjálfari AIK nálgaðist fjölmiðla í Svíþjóð því það eru gífurlegar væntingar til Kolbeins hjá AIK. Hann hefur æft á fullu núna í tvær vikur en er samt ekki kominn eins langt og bæði við og AIK vonuðumst eftir,“ segir Freyr við Gaupa á Stöð2 Sport.
Það hafi verið veikindi frekar en meiðsli sem hafi truflað Kolbein á árinu.
„Þetta eru ekki meiðsli heldur veikindi. Hann er búinn að taka flensur eftir Bandaríkjaferðina og hefur ekki náð þessum skít úr sér síðan. Hann ætti að vera í góðu standi er kemur að leiknum ef ekkert kemur upp á.“