Sindri Snær Jensson, athafnamaður og fyrrum knattspyrnumaður hefur beðið Þrótt, uppeldisfélag sitt afsökunar. Sindri lagði hanskana á hilluna í vetur eftir sex ára dvöl í KR.
Sindri var í hlaðvarpsþættinum Steve Dagskrá en þar talaði hann um ást sína á KR og kröfunum sem gerðar eru á liðið.
,,Krafan um að árangur er eitthvað sem ég dýrkaði, ég kemur úr Þrótti. Með fullri virðingu, þá er það smá lúsera klúbbur. Við töpuðum þar og þá var bara sagt að þetta kæmi næst. Í KR er bara gaur að öskra á mig á bílastæðinu, af hverju ég hafi ekki varið þetta skot. Fólk er reitt,“ sagði Sindri.
Hann segir að orðaval sitt um Þrótt hafi verið illa igrundað. ,,Í stevedagskra lét ég orð falla um mitt uppeldisfélag Þrótt. Ég ber miklar taugar til Þróttar og þykir vænt um félagið, orðavalið var illa ígrundað. Það er gott starf unnið í Laugardalnum en mér hefur þótt vanta upp á ýmislegt. Köttararnir hafa alltaf verið framúrskarandi,“ skrifaði Sindri á Twitter.
Í @stevedagskra lét ég orð falla um mitt uppeldisfélag Þrótt. Ég ber miklar taugar til Þróttar og þykir vænt um félagið, orðavalið var illa ígrundað. Það er gott starf unnið í Laugardalnum en mér hefur þótt vanta upp á ýmislegt. Köttararnir hafa alltaf verið framúrskarandi.
— Sindri Snær Jensson (@sindrijensson) February 19, 2020