Joao Felix, leikmaður Atletico Madrid, verður ekki með liðinu í stórleiknum gegn Liverpool á morgun.
Frá þessu er greint í kvöld en Felix meiddist í markalausu jafntefli gegn Leganes þann 26. janúar.
Felix missti af síðustu þremur leikjum Atletico og átti að byrja að mæta á æfingar á fullu á mánudag.
Portúgalinn er nú hins vegar orðinn veikur og verður ekki með í Meistaradeildinni á morgun.
Það er áfall fyrir Atletico en Felix er öflugur 20 ára gamall sóknarmaður sem kom til félagsins í sumar.