Það vakti talsverða athygli í gær þegar Matteo Guendouzi, leikmaður Arsenal var ekki í leikmannahóp félagsins gegn Newcastle. Mikel Arteta, stjóri Arsenal gaf litlar útskýringar. Aðrar en að þær væru taktískar.
Guendouzi hefur leikið stórt hlutverk síðan Arteta tók við Arsenal og því kom fjarvera hans ansi mikið á óvart.
Telegraph segir svo frá því í dag að ástæðan sé harkaleg rifrildi, Guendouzi og Arteta áttu í hörðum deilum í æfingaferð félagsins í Dubai.
Arsenal fór til Dubai í vetrarfríinu og rifrildi Guendouzi og stjórans hófust á æfingasvæðinu. Rifrildi þeirra hélt svo áfram um kvöldið á hóteli liðsins.
Guendouzi er ungur franskur miðjumaður en ljóst er að hann þarf að hafa fyrir því að fá að spila undir stjórn Arteta, eftir þessar deilur.
