Eigandi Hertha Berlin, Lars Windhorst, er langt frá því að vera ánægður með Jurgen Klinsmann.

Klinsmann hætti óvænt sem stjóri Hertha á dögunum en hann sagði upp eftir tíu vikur í starfi.

Windhorst er reiður út í þýska stjórann og er ekki ánægður með hvernig hann skildi við liðið.

,,Mér þykir leitt að Jurgen hafi farið frá okkur á þennan hátt. Ég talaði við hann í síma og hann baðst afsökunar,“ sagði Windhorst.

,,Því miður vegna hvernig hann fór þá getur hann ekki snúið aftur í starf í stjórninni.“

,,Hvernig hann yfirgaf okkur var óásættanlegt. Þú getur gert þetta sem unglingur en ekki í þessum heimi.“

,,Nafn hans er heimsþekkt og við vorum mjög nálægt því að semja við nýja styrktaraðila.“