Dan Gosling, leikmaður Bournemouth, heimtar afsökunarbeiðni frá dómaranum John Moss sem dæmdi leik liðsins við Sheffield United um helgina.

Gosling spilaði í þessum leik en hann segir að Moss hafi komið illa fram við leikmenn Bournemouth í tapinu.

Gosling fer svo langt og segir Moss hafa verið til skammar og segir hann sýna enga virðingu á velli.

,,Dómarinn hjálpaði okkur ekki. Hann dæmdi á smávægileg brot og lét í kjölfarið lítil ummæli falla í garð tveggja eða þriggja leikmanna sem hjálpaði ekki,“ sagði Gosling.

,,Það var mikil vanvirðing í því sem hann var að segja. Dómararnir tala um virðingu í byrjun leiktíðar en það var engin virðing frá John Moss á sunnudaginn. Hann var til skammar.“