Matthías Vilhjálmsson og Viðar Örn Kjartansson voru báðir í byrjunarliði Valerenga sem gerði 1-1 jafntefli við Stabæk í norsku úrvalsdeildinni í kvöld. Viðar skoraði mark Valerenga eftir stoðsendingu frá Matthíasi.
Íslendingarnir í Valerenga áttu fyrsta mark leiksins alveg skuldlaust. Viðar Örn kom liðinu yfir á 9.mínútu með marki eftir stoðsendingu frá Matthíasi.
Valerenga hafði forystuna eftir mark Viðars, allt þar til á 64. mínútu. Þá jafnaði Marcus Antonsson leikinn fyrir Stabæk.
Fleiri mörk voru ekki skoruð í leiknum. Valerenga situr í 3. sæti deildarinnar með 48 stig eftir 27 leiki.
Stabæk 1 – 1 Valerenga
0-1 Viðar Örn Kjartansson (‘9)
1-1 Marcus Antonsson (’64)
