fbpx
Föstudagur 22.janúar 2021
433

Siggi Raggi gerður að yfirmanni knattspyrnumála hjá Keflavík

Hörður Snævar Jónsson
Miðvikudaginn 16. desember 2020 08:37

Ekki missa af Helstu tíðindum dagsins í pósthólfið þitt

Lesa nánar

Knattspyrnudeild Keflavíkur hefur ráðið Sigurð Ragnar Eyjólfsson sem yfirmann knattspyrmála hjá félaginu. Siggi Raggi mun samhliða þessu starfi vera áfram einn af tveimur aðalþjálfurum meistaraflokks karla ásamt Eysteini Húna Haukssyni en liðið tryggði sér sæti í PepsíMax deild karla á nýafstöðnu tímabili.

Starf yfirmanns knattspyrnumála er viðbót við umgjörð Keflavíkur sem miðar að því að byggja upp sterkari leikmenn og öflugri einstaklinga og er markmiðið að með ráðningunni verði allt faglegt starf innan félagsins samþætt frá yngsta aldursflokki að meistaraflokki. Sigurður mun starfa náið með framkvæmdastjóra félagsins, þjálfarateymi yngri flokkanna, barna- og unglingaráði auk kvennaráðs og stjórnar.

Sigurður Garðarsson formaður stjórnar knattspyrnudeildar Keflavíkur: “Það er mikill fengur fyrir Keflavík að fá Sigga Ragga inní fullt starf hjá félaginu. Hann hefur mikla reynslu sem leikmaður og þjálfari bæði heima og erlendis auk þess sem hann starfaði í 12 ár sem fræðslustjóri KSÍ. Keflavík hefur sýnt það síðustu ár að með því að horfa inná við og vinna í því að byggja upp starfið markvisst má ná meiri árangri. Í bæði karla- og kvennaliðunum okkar er stór hluti af uppöldum ungum leikmönnum sem hafa þroskast mikið á síðustu árum og munu bæði spila á meðal þeirra bestu á nýju ári. Með komu Sigga Ragga viljum við bæta enn frekar í þessa stefnu og horfa heildstætt á knattspyrnuna í Keflavík frá yngsta stigi að því efsta. Í starfinu viljum við búa til góða knattspyrnumenn og ekki síður góða einstaklinga sem þroskast hjá félaginu sem einstaklingar og ekki síður sem félagsmenn. “

Sigurður Ragnar Eyjólfsson: “ Keflavík er eitt af stóru félögunum í knattspyrnu á Íslandi og ég er mjög spenntur fyrir því að taka við þessu starfi og aðstoða Keflavík við að ná sínum markmiðum. Umgjörðin í kringum félagið er mjög góð og ég mun vinna í að finna leiðir til að gera gott starf enn betra, fá fólk í lið með mér til að efla faglegt starf félagsins og vinna að því að þjálfun og þróun leikmanna verði ennþá betri. Ég er sannfærður um að við getum tekið félagið á næsta stig. Við viljum vera með öflug lið og leikmenn og festa okkur í sessi sem félag í efstu deild. Hjá Keflavík er mikið af öflugu og hæfu fólki og ég hlakka mikið til að vinna með því ”.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 12 klukkutímum

Ronaldo kemst á listann – Þetta eru sigursælustu leikmenn sögunnar

Ronaldo kemst á listann – Þetta eru sigursælustu leikmenn sögunnar
433
Fyrir 13 klukkutímum

KSÍ staðfestir ráðningu á Ólafi Inga

KSÍ staðfestir ráðningu á Ólafi Inga
433Sport
Fyrir 15 klukkutímum

Kun Aguero með COVID-19

Kun Aguero með COVID-19
433
Fyrir 15 klukkutímum

Davíð liggur undir feldi – Ákvörðun væntanleg á morgun

Davíð liggur undir feldi – Ákvörðun væntanleg á morgun
433Sport
Fyrir 16 klukkutímum

Hjörvar skoðar lífsstíl knattspyrnumanna – Þessir skór Andra kosta um hálfa milljón

Hjörvar skoðar lífsstíl knattspyrnumanna – Þessir skór Andra kosta um hálfa milljón
433Sport
Fyrir 18 klukkutímum

Ótrúleg tölfræði – United í sérflokki þegar kemur að því að koma til baka

Ótrúleg tölfræði – United í sérflokki þegar kemur að því að koma til baka
433Sport
Fyrir 19 klukkutímum

Rúrik brást ekki vel við þegar hann fékk tilboðið – „Ég segi bara eins og keppandi í ungfrú Ísland“

Rúrik brást ekki vel við þegar hann fékk tilboðið – „Ég segi bara eins og keppandi í ungfrú Ísland“
433Sport
Fyrir 21 klukkutímum

Þetta eru leikirnir sem Lampard fær til að bjarga starfinu

Þetta eru leikirnir sem Lampard fær til að bjarga starfinu
433Sport
Í gær

Spænski bikarinn: Niðurlæging Real Madrid algjör er liðið tapaði gegn C-deildar liði

Spænski bikarinn: Niðurlæging Real Madrid algjör er liðið tapaði gegn C-deildar liði