Andre Gray sóknarmaður Watford hefur beðist afsökunar á því að hafa haldið COVID partý á heimi sínu um helgina. Gleðskapinn hélt Gray á meðan eiginkona hans Leigh-Anne Pinnock sem er þekkt söngkona á Bretlandi var ekki heima.
Gray var þarna að brjóta sóttvararreglur Bretlands í annað sinn frá því í mars. Gray bauð sex vinum sínum heim til sín en samkvæmt reglum í Bretlandi má það ekki.
Þar var spilaður póker og menn fengu sér í glas í glæsilegu húsi hans en Gray þénar 50 þúsund pund á viku, um 9 milljónir íslenskra króna.
„Á laugardaginn þá bauð ég nokkrum vinum í heimsókn. Það var heimskulegt að gera þetta og ég sé eftir þessu. Ég vil biðja alla afsökunar,“ sagði Gray við ensk götublöð um málið.
Gray braut einnig reglurnar á heimili sínu í júní þegar hann hélt stór afmælispartý þegar fyrsta bylgja veirunnar reið yfir Bretland.