Diego Maradona, ein skærasta knattspyrnugoðsögn allra tíma, lét í lífið í gær vegna hjartaslags.
Maradona var 60 ára gamall þegar hann lést en hann er af mörgum talinn vera besti knattspyrnumaður allra tíma. Hann lék með nokkrum af frægustu liðum heims eins og Barcelona, Napoli, Boca Juniors og Sevilla.
Þá vakti Maradona mikla athygli með landsliðinu sínu en hann skoraði 34 mörk í 91 leik með argentíska landsliðinu. Maradona er hvað frægastur fyrir það sem kallað er „hönd guðs“, þegar hann skoraði með hendinni á HM árið 1986 en Argentína vann mótið það ár.
„Maradona er ekki dáinn, hann er ódauðlegur. Guð gaf okkur hæfileikaríkasta knattspyrnumann allra tíma. Hann mun lifa með okkur alla tíð,“ skrifaði Zlatan Ibrahimovic um tíðindin af Diego.
Maradona hefur haft áhrif á mikið af fólki, leikstíll hans og leikgleði kveikti ást fólks á fótbolta.