Ísland mætir Slóvakíu í dag í undankeppni EM 2022, en leikið er í Senec í Slóvakíu. Leikurinn hefst kl. 17:00 að íslenskum tíma og verður í beinni útsendingu á RÚV.
Guðmundur Ingason í táknmálsfréttum á RÚV vakti athygli fyrir klæðnað sinn í aðdraganda leiksins en hann vildi bara minna á á A landslið kvenna er að spila við Slóvakíu í dag.
Þetta er næstsíðasti leikur liðsins í riðlakeppni undankeppni EM 2022 og mæta stelpurnar svo Ungverjalandi þriðjudaginn 1. desember.
Ljóst er að Svíþjóð endar í efsta sæti riðilsins, en þau þrjú lið sem verða með bestan árangur í öðru sæti riðlanna fara beint áfram í lokakeppnina. Hin sex þjóðirnar fara svo í umspil um þrjú laus sæti. Það er því til mikils að vinna fyrir liðið, en með sigrum gegn bæði Slóvakíu og Ungverjalandi á það góðan möguleika á að komast beint í lokakeppnina.