Það var líf og fjör í Meistaradeild Evrópu í gær. Manchester United vann 4-1 sigur á tyrkneska liðinu Istanbul Basaksehir. Leikið var á Old Trafford. Bruno Fernandes kom heimamönnum yfir með marki á 7. mínútu. Hann var síðan aftur á ferðinni er hann tvöfaldaði forystu United með marki á 19. mínútu.
Marcus Rashford bætti síðan við þriðja marki United úr vítaspyrnu á 35. mínútu. Á 75. mínútu minnkaði Deniz Turuc muninn fyrir Istanbul en nær komust gestirnir þó ekki. Daniel James innsiglaði 4-1 sigur United með marki á 92.mínútu.
Seinna mark Bruno Fernandes var hans 21 mark í 35 leikjum fyrir félagið. Fernandes gekk í raðir United í lok janúar á þessu ári og hóf að spila með félaginu í febrúar.
Frá því að Fernandes kom til félagsins hefur enginn leikmaður í enska boltanum komið að fleiri mörkum. Bruno hefur komið að 34 mörkum í 35 leikjum fyrir United.
Harry Kane hefur komið að 31 marki fyrir Tottenham en hefur spilað ellefu leikjum minna. Kevin de Bruyne sem að flestra mati er besti miðjumaður enska boltans hefur komið að 23 mörkum í 29 leikjum með Manchester City.
Tölfræði um þetta er hér að neðan.
Enski boltinn á 433 er í boði 
