Erik Hamren lauk leik sem landsliðsþjálfari Íslans gegn Englandi í síðustu viku, í rúm tvö ár hefur þessi geðþekki Svíi verið við stýrið.
Hamren tók sjálfur þá ákvörðun að stíga til hliðar og aldrei fóru neinar viðræður við KSÍ áframhaldandi starf, hann vildi stíga til hliðar eftir að hafa mistekist að koma liðinu á Evrópumótið.
Við lögðum fram spurningu fyrir lesendur okkar á dögunum um hver ætti að verða næsti landsliðsþjálfari. Rúmlega 2 þúsund tóku þátt.
Óvíst er hvaða leið stjórn KSÍ fer, mun stjórn sambandsins halda áfram að leita út fyrir landsteinana eða horfa inn á við. Heimir Hallgrímsson varð að besta landsliðsþjálfara í sögu Íslands efir samstarf við Lars Lagerback. KSÍ gæti skoðað það að ráða einhvern sem verið í kringum þetta teymi.
Líklegasti kosturinn ef sú leið væri farinn er að ræða við Freyr Alexandersson sem unnið hefur með Lagerback, Heimi og nú Erik Hamren. Arnar Þór Viðarsson þjálfari U21 liðsins og yfirmaður knattspyrnumála hjá KSÍ er sterklega orðaður við starfið og margir hafa nefn Rúnar Kristinsson til sögunnar.
Lang flestir vilja fá erlendan þjálfara eða rúm 40 prósent af þeim sem að tóku þátt. Þegar kemur að Íslendingum er Heimir Hallgrímsson með mikla yfirburði.
Kosningin:
Erlendur þjálfari – 830 atkvæði (41.23%)
Heimir Hallgrímsson – 509 atkvæði (25.29%)
Rúnar Kristinsson – 200 atkvæði (9.94%)
Heimir Guðjónsson – 157 atkvæði (7.80%)
Freyr Alexandersson – 155 atkvæði (7.70%)
Arnar Þór Viðarsson – 120 atkvæði (5.96%)
Arnar Grétarsson – 23 atkvæði (1.14%)
Ólafur Kristjánsson – 22 atkvæði (1.09%)
