Mohamed Salah þarf að vera í einangrun í Egyptalandi næstu vikuna eftir að hafa aftur greinst jákvæður í COVID-19 prófi.
Salah hafði vonast eftir því að fyrsta prófið væri vitlaust og að hann gæti snúið aftur til Englands og hjálpað Liverpool í komandi verkefnum. Svo reyndist ekki vera og hann greindist aftur jákvæður.
Salah mun hið minnsta missa af þremur leikjum Liverpool, hann verður ekki með gegn Leicester um helgina og ekki með gegn Atalanta í Meistaradeildinni.
Samkvæmt reglum enska sambandsins þá þarf leikmaður vera tíu daga í einangrun eftir smit og þá missir hann einnig af leik við Brighton.
Salah ætti að vera leikfær gegn Ajax þann 1 desember ef veiran hverfur úr honum fyrir þann tíma.
