Erik Hamren mun hætta sem þjálfari Íslands eftir leikina gegn Dönum og Englandi. Þetta staðfesti hann á fréttamannafundi í dag.
„Tveir leikir eftir á þessu ári, tveir mikilvægir leikir gegn Dönum og Englandi. Ég mun hætta sem þjálfari Íslands, ég fékk spurningar um þetta eftir Ungverjaland. Ég ræddi við Guðna og leikmennina, ég vildi láta þá vita að ég hætti,“ sagði Hamren og kom mörgum á óvart með þessari tilkynningu.
Meira:
Erik Hamren hættir sem þjálfari Íslands – „Þetta var mín ákvörðun“
Nú þarf Guðni Bergsson að velja nýjan þjálfara sem tekur við af Hamren ásamt stjórn KSÍ. Undankeppni HM hefst í mars og því er ekki mikill tími til stefnu.
Hér að neðan eru fimm kostir sem gætu komið itl greina.
Er þessa dagana sterklega orðaður við starfið en Arnar er í dag þjálfari U21 árs landsliðsins og yfirmaður knattspyrnumála hjá KSÍ. Hafði þjálfað í Belgíu áður en hann tók til starfa hjá KSÍ, gæti komið til greina ef horft er til þjálfara hér heima.
Solbakken var rekinn úr starfi hjá FCK í síðasta mánuði og hann gæti verið til í að reyna fyrir sér með landsliðið. Gerði gott mót hjá FCK en hefur einnig þjálfað Wolves og Köln.
Nafnið sem er oftast nefnt til sögunnar þegar eftirmaður Erik Hamren er ræddur, hefur spilað flesta landsleiki fyrir hönd Íslands og hefur náð góðum árangri í þjálfun hjá KR.
Sá íslenski þjálfari sem hefur mesta reynslu í Evrópukeppnum gæti verið kostur fyrir KSÍ að skoða, sigurvegari af guðs náð.
Fékk ekki að halda áfram með danska landsliðið þrátt fyrir góðan árangur, leikstíll Hareide gæti hentað íslenska landsliðsins. 67 ára með mikla reynslu.
