James Rodriguez, leikmaður Everton í ensku úrvalsdeildinni, meiddist á eistunum í leik liðsins gegn Liverpool fyrr í mánuðinum. Carlo Ancelotti, þjálfari Everton, sagði að það væri ólíklegt að Rodriguez myndi spila í leik Everton gegn Southampton vegna þessa en Rodriguez spilaði þó í gegnum sársaukann í heilar 90 mínútur.
Spænski miðillinn Marca greindi frá því í vikunni að Rodriguez væri ennþá meiddur í klofinu, þrátt fyrir að hann hafi spilað allan leikinn gegn Southampton. Þó svo að Rodriguez sé ennþá meiddur þykir þó líklegt að hann spili með liðinu sínu gegn Newcastle á sunnudaginn.
Stuðningsmenn Everton hafa óskað stjörnunni sinni góðs bata en þeir eru þó ekki einir um það. Klámstjarnan Kendra Lust sendi Rodriguez óskir um skjótan bata í athugasemd undir færslu talkSPORT á Twitter. „Áts, vona að það sé í lagi með þig,“ sagði Kendra Lust í athugasemdinni.