Zlatan Ibrahimovic framherji AC Milan er í fullu fjöri eftir að hafa barist við COVID-19 veiruna, veiran hafði lítil áhrif á þennan 39 ára gamla Svía.
Zlatan hefur átt magnaðan feril sem leikmaður en hann ráðleggur fólki að fara eftir reglum til að koma í veg fyrir að það fái veiruna.
„Veiran skoraði á mig og ég hafði betur, en þú ert ekki Zlatan,“ sagði þessi sænski framherji á sinn skemmtilega hrokafulla hátt.
„Ekki fara í slag við þessa veiru, notaðu heilann og virtu reglurnar. Virðið fjarlægðartakmörk og notið grímuna alltaf.
Zlatan hefur raðað inn mörkum á þessu tímabili og virðist þrátt fyrir aldur enn eiga fullt inni á meðal þeirra bestu.