Cristiano Ronaldo leikmaður Juventus er að verða vitlaus á því að greinast með COVID-19 veiruna en hann hefur verið í einangrun í tvær vikur. Ronaldo hefur engin einkenni og vill fara komast út á knattspyrnuvöll.

Ronaldo hafði vonast til þess að geta spilað gegn Barcelona í Meistaradeildinni í kvöld en veiran mældist í honum í gær.

Veiran er þó að hverfa en mjög lítið magn af henni mældist í kappanum í gær en hann þarf að bíða eftir að veiran hverfi alveg.

„Ég er eins og skeppna sem er haldið í búri,“ sagði Ronaldo við vini sína um málið og Tuttosport á Ítalíu segir frá.

Ronaldo mældist fyrst með veiruna þegar hann var í verkefni með landsliði Portúgals, hann átti að vera þar í einangrun en leigði sér einkaflugvél til að komast til Ítalíu þar sem hann dvelur nú og bíður eftir því að komast út á völlinn.