„Ég ber mikla virðingu fyrir Ole Gunnar Solskjær að setja Pogba á bekkinn,“ sagði Jamie Carragher sérfræðingur Sky Sports sem hefur útilokað það að Manchester United nái árangri þegar Bruno Fernandes og Paul Pogba byrja saman hjá liðinu.

Pogba hefur byrjað á meðal varamanna í síðustu þremur leikjum á meðan Bruno hefur byrjað þá alla. „Ég sagði það eftir leikinn gegn Crystal Palace, Fernandes og Pogba eru miðja sem mun aldrei ganga upp.“

„Svo kaupa þeir Donny van de Beek sem ég skil ekki, ég bara skil það ekki. Hvernig á það að ganga upp. Ég hélt að hann yrði fyrir aftan framherjann en Bruno er þar og svo getur Pogba spilað þar líka.“

„Það er betra fyrir United að hafa Fred og McTomniay þarna en United mun þó aldrei vinna deildina með þá tvo.“

„Vandamálið með Pogba er það að Fernandes er fyrsti kostur í stöðuna fyrir aftan framherjana, ég sé samt ekki hvernig Ole getur endalaust ekki valið 90 milljóna punda leikmann í liðið. Það er erfitt, hann kemur eflaust inn að lokum.“

Enski boltinn á 433 er í boði