Kylian Mbappe einn þekktasti knattspyrnumaður í heimi syrgir nú Lucas sem var átta ára gamall franskur strákur sem lést eftir baráttu við krabbamein. Mbappe og Lucas voru miklir vinir og þessi skærasta stjarna fótboltans í Frakklandi heimsótti vin sinn reglulega.

Lucas barðist í tíu mánuði við veikindin sem höfðu betur en Mbappe segir drenginn unga hafa kennt sér svo margt.

Mbappe hefur ritað bréf til drengsins en þar segir hann meðal annars. „Ég er ótrúlega stoltur af því að hafa verið vinur þinn fram að síðasta andardrætti,“ skrifar Mbappe.

Bréf Mbappe til Lucas:
Það er með sorg í hjarta sem ég greini ykkur frá því að Lucas er farinn upp til himna, það er mjög erfitt að finna orð en það er nauðsynlegt að minnast drengsins sem fyllti hjörtu okkar af ást. Hann var auðmjúkur en líka hugrakkur, hann kenndi mér svo mikið og við áttum einstakt samband.

Ég mun reyna elsku vinur að gera þig stoltan því þú ert hinn raunverulega hetja, þú átt skilið allt hrós í heiminum fyrir að berjast við þetta í tíu mánuði án þes að kvarta.

Ég er ótrúlega stoltur af því að hafa verið vinur þinn fram að síðasta andardrætti, ég tel að vinátta okkar lifi alla tíð. Megi guð taka þér opnum örmum á himnum minni litli engill. Eg elska þig