Það er oft sagt að líf markmannsins geti verið einmanalegt. Ben Foster, markvörður 1. deildar liðs Watford í Englandi leyfir knattspyrnuaðdáendum að öðlast betri innsýn í líf sitt sem markvörður í gegnum YouTube síðu sína The Cycling GK.
Leikmaðurinn tekur meðal annars með sér GoPro myndavél inn á knattspyrnuvöllinn og stillir henni upp í markinu hjá sér þegar Watford á leik í ensku 1. deildinni.
Foster sem hefur mikla reynslu úr ensku úrvalsdeildinni er einnig duglegur að sýna frá undirbúningi sínum fyrir leiki sem og öðrum hliðum í lífi sínu sem atvinnumaður í knattspyrnu.
Hér fyrir neðan má sjá myndband af síðunni. Myndbandið sýnir undirbúning Foster fyrir leik gegn Wayne Rooney og félögum í Derby County sem og klippur frá leikdegi.