Manchester United festi kaup á Facundo Pellistri frá Úrúgvæ á lokadegi félagaskiptagluggans í upphafi mánaðar, lítt þekktur spilar sem kostaði félagið 10 milljónir punda.
Pellistri kemur Penarol í Úrúgvæ og fær góð meðmæli, hann mætti á sína fyrstu æfingu í gær. Pellistri er 18 ára gamall og er sóknarsinnaður kant og miðjumaður.
„Ég er snöggur leikmaður sem vill komast í boltann og leggja upp mörk fyrir samherja mína,“ sagði Pellistri eftir sína fyrstu æfingu í Manchester í gær.
„Ég er gríðarlega stoltur af því að vera leikmaður Manchester United, þetta er eitt besta félag í sögu fótboltans.“
„Ég er spenntur fyrir því að læra af sóknarmönnum eins og Greenwood, Martial og Rashford.“
Pellistri er sagður undrabarn í heimalandi sínu en það er viðbúið að það taki hann tíma að aðlagast nýju lífi í Evrópu.
Enski boltinn á 433 er í boði 
