Eiður Smári Guðjohnsen þjálfari FH mun halda áfram sem þjálfari liðsins en Logi Ólafsson lætur af störfum. Frá þessu greinir Hjörvar Hafliðason í Dr. Football og kveðst hafa nokkuð góðar heimildir.
Hjörvar Hafliðason sagði eining frá því að Davíð Þór Viðarsson, fyrrum fyrirliði yrði næsti aðstoðarþjálfari FH samkvæmt hans heimildum.
Davíð Þór lagði skóna á hilluna fyrir ári síðan en hann hefur starfað á bak við tjöldin hjá FH og hjálpað til þar.
Eiður Smári er á sínu fyrsta ári sem aðalþjálfari en hann og Logi Ólafsson tóku við liðinu um mitt sumar þegar Ólafur Kristjánsson hélt til Danmerkur. FH situr í öðru sæti efstu deildar karla.
Óvíst er hvort Eiður Smári muni þá halda áfram sem aðstoðarþjálfari U21 árs liðsins en þar hefur hann verið með Arnari Viðarssyni síðustu ár.
