England vann góðan 2-1 sigur á Belgíu í Þjóðadeildinni í kvöld en þessi lið eru með Íslandi í riðli. Ísland mætir Dönum klukan 18.45.
Romelu Lukaku kom besta landsliði í heimi yfir snemma leiks með marki úr vítaspyrnu. Fyrrum liðsfélagi hans, Marcus Rashford jafnaði fyrir Englendinga af vítapunktinum.
Það var svo Masoun Mount sem skoraði sigurmark Englands í síðari hálfleik en liðið hefur nú sjö stig eftir þrjá leiki en Belgar hafa sex. Danir eru með eitt stig og Ísland ekki neitt.
Næsta verkefni Belgíu verður í Reykjavík á miðvikudag þegar Ísland tekur á móti liðinu. Þetta var fyrsta tap Belga í 23 mánuði.