„Þetta er frábær leikur og frábær áskorun, þeir hafa marga góða leikmenn. Það er líka saga í þessu, Ísland hefur aldrei unnið Dani,“ sagði Erik Hamren þjálfari Íslands á fréttamannafundi í dag fyrir leikinn gegn Danmörku Í Þjóðadeildinni á morgun.
Tveimur dögum eftir sigur á Rúmeníu eru margir leikmenn tæpir og ljóst er að Kári Árnason spilar ekki.
„Menn eru tæpir eftir frammistöðuna á fimmtudag. Kári Árnason spilar ekki næstu tvo leiki og Arnór Sigurðsson er tæpur vegna meiðsla í ökkla. Ég hef ekki ákveði liðið, ég vil ræða við leikmenn eftir æfingu dagsins.“
Laugardalsvöllur er ekki í góðu ástandi eins og sást á fimmtudag gegn Rúmeníu, Hamren hefur ekki áhyggjur. „Við spilum í rigningu, vindi og sól. Það er ekkert vandamál en kannski fyrir Dani.“
Ljóst er að Aron Einar Gunnarsson yfirgefur landsliðshópinn eftir Dana leikinn en Hamren vildi ekki ræða hvort fleiri færu. „VIð klárum þennan leik og ræðum svo hverjir verða með gegn Belgíu.
Kórónuveiran er á flugi aftur og úrslitaleikurinn gegn Ungverjalandi í nóvember gæti verið í hættu, möguleiki er á að UEFA fresti honum. „Ég veit að þetta er þarna en ég hugsa ekki um það. Við plönum allt eins og leikurinn fari fram, þessu var frestað í mars og í júli. Ef það verða breytingar í nóvember að þá tökum við því.“