Jadon Sancho kantmaður Borussia Dortmund er sagður setja mikinn þunga á forráðamenn Dortmund og umboðsmann sinn um að koma sér til Manchester United áður en félagaskiptaglugginn lokar.
Sancho hefur fram til mánudags til að komast til United en félögin hafa átt í samskiptum í vikunni. Í öðrum fréttum kemur fram að Dortmund sé nú tilbúið að selja Sancho fyrir 95 milljónir punda.
United bauð 91 milljón punda í upphafi vikunnar en þá kvaðst Dortmund standa fast á 108 milljóna punda verðmiða sínum.
Sky Sports segir svo frá því að United sé með fjóra aðra kosti í stöðunni ef ekki tekst að fá Sancho. Fyrstan má nefna Ousmane Dembele kantmann Barcelona.
Dembele vildi ekki yfirgefa Barcelona í júní þegar Liverpool spurðist fyrir um hann en nú er annað hljóð í honum.
Edinson Cavani sóknarmaðurinn knái er án félags en er 33 ára gamall og vill laun sem fá félög geta borgað. Þá er Luka Jovic sóknarmaður Real Madrid á lista United.
United gæti svo skoðað það að fá Isamila Sarr kantmann Watford en félagaskiptaglugginn fyrir leikmenn utan Englands lokar á mánudag. Innan Englands er hins vegar hægt að fá leikmenn tíu dögum lengur.
Enski boltinn á 433 er í boði 
