Það voru valdeflandi umræður í Dr. Football, hlaðvarpsþættinum í dag þar sem rætt var um framtíðarþjálfara sem gætu komið úr íslenska landsliðinu í fótbolta.
Íslenska landsliðið í dag hefur náð mögnuðum árangri síðustu ár og má búast við að einhverjir af þeim leikmönnum stígi skrefið í þjálfun. En hverjir eru líklegir í þjálfun?
,,Ef að Alfreð Finnbogason ætlar að verða þjálfari, þá verður hann þjálfari. Hann er gáfaður, þekkir fótbolta út og inn. Getur orðið hörkuþjálfari, þetta er vinna. Þetta er ekki bara æfing í 90 mínútur, vinna allan daginn ef það á að gera þetta af viti. Ari Freyr gæti orðið þjálfari,“ sagði Kristján Óli Sigurðsson, sérfræðingur þáttarins.
Mikael Nikulásson er öruggur á því að fyrirliði þjóðar, Aron Einar Gunnarsson verði þjálfari. ,,Aron Einar gæti orðið þjálfari, kæmi mér á óvart ef Alfreð færi ekki í þetta. Það kæmi mér á óvart ef Aron Einar, yrði ekki þjálfari.“
,,Ég held að Kári Árnason nenni þessu ekki, hann gæti samt alveg farið í þetta. Hannes Þór Halldórsson, gæti farið í það.“