Daniel Osvaldo er byrjaður að spila knattspyrnu á ný en hann hefur gert samning við Banfield.
Osvaldo er nafn sem margir kannast við en hann lék með mörgum góðum liðum á ferlinum.
Nefna má Fiorentina, Roma, Southampton, Juventus, Inter, Porto og nú síðast Boca Juniors.
Osvaldo ákvað að leggja skóna á hilluna árið 2016 aðeins þrítugur en hann fann ekki lengur fyrir ást á íþróttinni.
Hann er hins vegar mættur aftur fjórum árum seinna og gerði samning við Banfield í Argentínu.
Osvaldo er fæddur í Argentínu en hann spilaði þó 14 landsleiki fyrir Ítalíu á ferlinum.