Hólmar Örn Eyjófsson, leikmaður Levski Sofia er sagður á óskalista Bournemouth í ensku úrvalsdeildinni.
Vefurinn 90.min segir frá en þar er sagt að Bournemouth íhugi að kaupa Hólmar á næstu dögum. Félagaskiptaglugginn lokar á föstudag.
Bournemouth er að berjast fyrir lífi sínu í ensku úrvalsdeildinni en Hólmar verður þrítugur á þessu ári.
Hólmar meiddist alvarlega á síðasta leiktíð en hefur gert vel í að koma til baka og spilað frábærlega í ár.
Hólmar þekkir til á Englandi en ungur að árum fór hann frá HK til West Ham og lék svo með Cheltenham í neðri deildum. Hann hefur síðan spilað í Noregi, Þýskalandi, Ísrael og nú Búlgaríu.
Enski boltinn á 433 er í boði 
