Manchester United vonast til þess að ganga frá lausum endum við Sporting Lisbon í dag, er varðar kaup á Bruno Fernandes.
Sky Sports segir á vef sínum í dag að Bruno Fernandes verði leikmaður United, það sé komið á hreint.
Félögin nálgist samkomulag, líklegt er að Bruno Fernandes spili gegn Benfica í kvöld og haldi svo til Manchester.
Sky segir að United muni borga 43 milljónir punda til að byrja með en 17 milljónir til viðbótar geta bæst við með bónusum.
Þá segir Sky að Fernandes muni þéna 120 þúsund pund á viku, tæpar 20 milljónir íslenskra króna.