Paul Pogba fer líklega frá Manchester United í sumar. Sky segir frá en bæði Real Madrid og Juventus vilja fá hann.
Pogba hefur viljað fara frá Manchester United síðasta hálfa árið og það er ekkert að breytast.
Pogba er 26 ára gamall en hann kom til United aftur árið 2016 fyrir 89 milljónir punda.
United vill halda Pogba fram á sumar og skoða svo stöðuna, miðsvæði félagsins er þunnskipað. Bruno Fernandes gæti breytt stöðunni.
Pogba hefur mikið verið meiddur á þessu tímabili en hann fór í aðgerð á ökkla í síðustu viku.