Gunnleifur Gunnleifsson, verður ekki bara í markvörður Breiðabliks á næstu leiktíð, heldur einnig þjálfari. Hann segir frá þessu á Facebook síðu sinni í kvöld.

Anton Ari Einarsson, gekk í raðir Breiðabliks í vetur og ætlar Gunnleifur að styðja við bak hans og vera til taks. Þannig má gera ráð fyrir að nú sé ljóst að Anton verði fyrsti kostur í mark Blika.

Gunnleifur er 45 ára gamall en ætla má að hann verði þjálfari og varamarkvörður undir stjórn Óskars Hrafns Þorvaldssonar. ,,Ég ætla að styðja við Anton sem markmann og hjálpa honum að bæta sig, ásamt því að gefa af mér til leikmannahópsins,“ skrifar Gunnleifur á Facebook.

Gunnleifur hefur verið mark Blika síðustu ár og verið einn allra besti leikmaður Pepsi Max-deildarinnar.

Tilkynning af Facebook síðu Gunnleifs
Ég hef ákveðið að breyta um hlutverk hjá Breiðablik. Ég segi stoltur frá því að ég er kominn í þjálfarateymi mfl karla og þar að leiðandi breytist staða mín sem leikmanns. Ég mun áfram verða leikmaður liðsins svona hálfgerður player/coach. Ég ætla að styðja við Anton sem markmann og hjálpa honum að bæta sig, ásamt því að gefa af mér til leikmannahópsins. Ég hlakka til að vera partur af og læra af þjálfurum okkar, þeim Óskari, Dóra og Óla P.
Loksins á 45 aldursári er ég tilbúinn að taka næsta skref á ferlinum og get varla beðið.
Auðmjúkur Gulli Gull

Pepsi Max deildin á 433 er í boði