Valdimar Þór Ingimundarson hefur skrifað undir samning við norska úrvalsdeildarliðið Strømsgodset. Valdimar, sem er fæddur árið 1999, er uppalinn hjá Fylki. Hann hefur vakið athygli í sumar fyrir góða spilamennsku. Hann skoraði átta mörk í 14 leikjum fyrir Fylki í Pepsi-max deildinni í sumar.
Hann hefur samtals skorað 24 mörk í 81 leik fyrir uppeldisfélagið. Valdimar hefur spilað fimm leiki fyrir U-21 landslið Íslands.
Hjá Strømsgodset hittir Valdimar fyrir fyrrverandi liðsfélaga sinn úr Fylki, Ara Leifsson. Ari skrifaði undir hjá félaginu fyrr á þessu ári.
Now it is official: Valdimar Ingimundarson (1999) has signed for Stromsgodset in Norway. Been fantastic for Fylki in Iceland. Congrats 🇮🇸📄🖋✔️⭐️👌 pic.twitter.com/rbh5VFocMp
— Magnus Agnar Magnusson (@totalfl) September 16, 2020