„Það virðist ekki jafnt yfir alla ganga. Við KR-ingar erum ósáttir við að sitja ekki við sama borð og aðrir þegar verið er að leysa úr málefnum fótboltans,“ sagði Jónas í samtali við Fótbolta.net. KR-liðið er í sóttkví eftir ferðalag til Skotlands en þar keppti liðið við Celtic. Nýju reglurnar segja að lið þurfi að sækja um vinnusóttkví fyrir fram til að fá að æfa í sóttkvíinni.
Þar sem reglurnar um vinnusóttkví voru ekki komnar áður en KR-liðið fór til Skotlands þá gat félagið ekki sótt um vinnusóttkví. „Þegar verið er að leysa hlutina fyrir suma en ekki hina þá er það ekki jafnrétti,“ segir Jónas. „Við getum hvorki æft né keppt og Pepsi Max-deildin er í uppnámi. Á meðan er fundin leið svo erlend félög geta komið hingað og keppt en íslensk lið geta ekki mæst. Okkur finnst þetta skjóta skökku við.“
