„Telurðu fótboltamót hafa skapað eitthvað betri aðstæður fyrir smitum en allir tónleikar sem haldnir hafa verið undanfarið?“ spyr notandi nokkur. „Þetta sökkar en enginn er svoleiðis ábyrgur að það þurfi að grípa til þessara orða kallinn minn.“
„Svona á að drulla yfir þann aldurshóp sem er líklegastur til að mæta á giggin þín og hlusta á tónlistina þína. Og já það var gaman á ReyCup,“ segir Styrmir nokkur um málið. Runólfur Trausti Þórhallsson, íþróttafréttamaður Vísis, skýtur einnig á rapparann. „Eitt staðfest smit á Rey Cup en hey allt fyrir Like er það ekki?“ segir Runólfur.
Nokkrir virtust vera virkilega pirraðir út í það sem Emmsjé sagði. „Troddu þessum orðum uppí rassgatið á þér,“ sagði Axel nokkur. „Helvítis aumingi. Held að það sé nú meira hugsað út í smitvörn a ReyCup en á tónleikum hjá svona skít eins og þér,“ segir Sveinn nokkur og ljóst er að hann er ekki sáttur með orð Emmsjé Gauta.
Það sem Emmsjé Gauti skrifaði rímar nokkuð við þá umræðu sem hefur verið í gangi á samfélagsmiðlum í kjölfar blaðamannafundar Almannavarna og Ríkisstjórnarinnar. Mikill pirringur er hjá fólki út í aðstandendur íþróttaviðburða þar sem þeir hafa verið haldnir reglulega yfir sumarið. Aðalástæðan fyrir pirringnum út í ReyCup er að öllum líkindum vegna þess að upp kom að smitaður einstaklingur hafi verið á mótinu.
Emmsjé Gauti tjáði sig um málið í útvarpsþættinum Reykjavík Síðdegis og þar segir hann að upphaflega tístið hafi átt að vera fyndið grín. „Stundum segir maður eitthvað af viti, stundum segir maður bara eitthvað. Mér finnst mjög fyndið að fólk hafi misskilið þetta sem einhvern harðan sannleik. Að ég væri í alvöru talað að halda því fram að hér væri COVID ástand út af einhverju fótboltamóti hjá krökkum.“