Hollendingurinn Virgil Van Dijk hefur verið gríðarlega góður fyrir Liverpool síðan hann kom til félagsins frá Southampton. Að mati margra er hann besti miðvörðurinn í ensku deildinni. Tölfræði sem The Sun birti í dag sýnir þó að annar miðvörður gæti verið betri. Það er Harry Maguire, miðvörður Mancester United, en Maguire er dýrasti varnarmaður sögunnar. Fékk Maguire mikla gagnrýni á sig til að byrja með en mörgum fannst hann ekki standa undir verðmiðanum sínum.
Tölfræðin sem The Sun birti í dag sýnir þó að Maguire er ekkert verri en Van Dijk, jafnvel er hann mögulega betri. Van Dijk gerði dýr mistök í síðasta leik Liverpool en Arsenal skoraði eftir mistök hollendingsins. Voru þetta fyrstu mistök Van Dijk á tímabilinu sem leiddu til marks hjá andstæðingi. Maguire hefur enn ekki gert svoleiðis mistök. Þá hefur Maguire náð boltanum oftar og auk þess sem hann hefur skallað boltann oftar í burtu.
Tölfræðina í heild sinni má sjá hér fyrir neðan:
