Thomas Partey, leikmaður Atletico Madrid, er víst meira en tilbúinn að ganga í raðir Arsenal í sumar.
Þessi 27 ára gamli leikmaður er sterklega orðaður við Arsenal en hann neitar að krota undir nýjan samning.
Arsenal hefur mikinn áhuga á Partey sem er fáanlegur fyrir 45 milljónir punda samkvæmt samningi.
Atletico vill alls ekki missa Partey í sumar en leikmaðurinn hefur hafnað samningstilboðum hingað til.
Talað er um að Arsenal gæti reynt að skipta á Partey og Frakkanum efnilega Matteo Guendouzi.
