Jurgen Klopp, stjóri Liverpool, fagnaði ekki með sínum mönnum á fimmtudag er leik Chelsea og Manchester City lauk.
Chelsea vann 2-1 sigur á City á Stamford Bridge sem þýðir að Liverpool er Englandsmeistari.
Leikmenn Liverpool voru saman þegar lokaflautið heyrðist en Klopp yfirgaf svæðið tíu sekúndum áður en flautað var af.
,,Ég hringdi í fjölskylduna mína tíu sekúndum fyrir lokaflautið. Við töluðum saman á FaceTime,“ sagði Klopp.
,,Ég sagðist elska þau og þau sögðust elska mig. Það er sorglegt að hafa ekki getað verið með þeim. Þetta var mjög fallegt augnablik.“
Klopp var svo mættur aftur til leikmanna stuttu seinna og fagnaði fram á rauða nótt.
