Félögin í ensku úrvalsdeildinni eru byrjuð að setja pressu á það að æfingar hefjist með fullum krafti í næstu viku. Þeir þurfa að sannfæra leikmenn sem margir eru hræddir við að snúa aftur.
Sex smitaðir einstaklingar eru í ensku úrvalsdeildinni en allir sem koma að liðunum voru prófaðir.
748 leikmenn og starfsmenn voru prófaðir fyrir kórónuveirunni en félögin máttu hefja æfingar í upphafi vikunnar. Þessir sex einstaklingar verða í sóttkví í heila viku og verður fylgst náið með þeim. Smitin sex eru í þremur félögum.
Troy Deeney fyrirliði Watford neitar að mæta á æfingar, einn leikmaður liðsins er með veiruna og fjórir aðir koma ekki. Tveir hafa verið í tengslum við einhvern með veiruna og tveir neita að mæta líkt og Deeney.
„Við erum með leikmenn í sóttkví því þeir voru í kringum fólk með veiruna. Þeir hafa ekki greinst með hana,“ sagði Nigel Pearson stjóri Watford.
„Þetta er flókið, einn leikmaður er með veiruna, tveir í sóttkví og þrír sem neita að koma.“