Fabio Capello segir að Ronaldo frá Brasilíu sé besti leikmaður sem hann hefur þjálfað en líka sá erfiðasti.
Ronaldo lék undir stjórn Capello hjá Real Madrid árið 2006 en var fljótlega seldur sökum þess hvernig hann var utan vallar.
Ronaldo elskaði að fá sér í glas og hafa gaman, of gaman að mati Capello. „Hann er með mestu hæfileika sem ég hef séð,“ sagði Capello.
„Hann var líka sá leikmaður sem skapaði mestu vandræðin fyrir mig, hann elskaði að halda partý.“
„Ruud van Nistelrooy tjáði mér einn daginn að búningsklefinn lyktaði eins og brugghús.“
„Ronaldo fór til Milan og við byrjuðum að vinna, ef við tölum um hæfileika þá er hann sá besti.“