Stjarna í ensku úrvalsdeildinni braut reglur um útgöngubann í Bretlandi með því að fara með einkaflugvél til Parísar í gleðskap.
Ensk blöð fjalla um málið og segja að einstaklingurinn sem ekki er nafngreindur hafi gert sér glaðan dag.
Hann leigði veitingastað í París þar sem fyrirsætur og fleiri mættu á svæðið. Hann fór svo í kynlífspartý í íbúð nálægt Champs Elysees í París.
Sagt er að eiturlyfjasali hafi mætt á svæðið með efni fyrir gestina í partýinu. Ekki kemur fram hvort leikmaðurinn úr deildinni hafi tekið efni.
Ekki bara var verið að brjóta reglur um útgöngubann í Englandi heldur var einnig allt bannað í Frakklandi og gæti leikmaðurinn verið í miklum vandræðum.
Fjöldi leikmanna í ensku úrvalsdeildinni hefur ekki getað farið eftir reglum á meðan kórónuveiran hefur verið í gangi.