Emil Hallfreðsson gæti verið á leið Í FH, þetta kom fram í Dr. Football í dag. Miðjumaðurinn knái hefur átt magnaðan feril.
Emil hefur síðasta hálfa árið verið í herbúðum Padova á Ítalíu en 16 ár eru síðan að Emil yfirgaf FH.
Síðan þá hefur Emil spilað í atvinnumennsku, lengst af á Ítalíu en var einnig í herbúðum Tottenham.
Miðjumaðurinn er 35 ára gamall en hann hefur verið einn besti leikmaður Íslands síðustu ár. „Ég ætla ekki að segja já eða nei,“ sagði Emil við strákana í Steve Dagskrá
Óvissa er með tímabilið á Ítalíu vegna kórónuveirunnar en Emil ætlar að bíða með að taka ákvörðun. „Ég ætla að sjá fyrst hvað gerist með deildina hjá mér. Það er verið að tala um að fara beint í umspil og ef það er möguleiki þá verður það skemmtilegt. Þetta kemur bara í ljós. FH er samt alltaf minn klúbbur.“